Heid isch dr grause Dag,
wenn i des Euch fei sag.
Mir hen lengschd onser Deitschlandfahna em Garda.
Jetzad mias mear bloas no auf da Siag warda.
Schwarz , Raud, Gold
onsre Buba isch des moal s Gliag hold!
I woiß das miar gwenad,
weil nemlich älle scho vor Freid spennad.
Selbsch i nemme so jungs Weib,
häd jetzad gern a echds Triko an meim Leib.
Dia Kender sen scho Schwarz - Raud - Gold em Gsiachd,
dia srtrahlad heid em hella Sonnalichd.
Pablig Fwjuing - Fuasball guga mida em Flega,
des koa jo bloas da Siagesgoischd wegga.
Noa blos mer en d Wuwuzela nei,
Tore fallad heid mindeschdens drei.
Ond am Schluss wird no Korso gfahra,
da denga mer ned ans Benzin spara!
Weldmoischder werdad miar desmol,
ha deng au Mol!
